A∙dokni Bharatiya Janata Party (BJP) nigita sak bonga state executive rangko seokange Meghalaya Reservation Policy-ni bidingo chanchirimna committee-ko songangaha. Ia committee-o uamang BJP party-ni dilgiparang aro ja∙rikgiparangko okamate dingtang mancha manderang baksa chanchirime pilak neng∙nikanirangko nigrike ku∙pattianirangko on∙china bikotaha ine BJP-ni State President Rikman Momin agnanangaha.
Reservation policy-nigita a∙doko songdongengipa jatgittamna apsangrike kamrangona rimnapna aro mikkang nitegija tarigimin ong∙a ine committee aganangaha. Iani bidingo name dake chanchirimani ja∙mano reservation policy-ko dingtangatna nangnikgijaniko Meghalaya BJP-nigita mingbri ja∙pangrango pangchake tik ka∙aniko parakataha.
Skanggipa, Meghalaya a∙doko jatgittamni gisepo ja·manchakbatgiparang uamangni tang·doanina dakchakaniko aro cholrangko man·angkuchina reservation policy-ko dingtangatjachina aganangaha. Reservation policy-ko onbatgipa jatrangko tang∙doatna aro ja∙manchakgiparangko ra∙dona tarigimin ong·ani gimin chengoni ja·rikbaengagita rakkiangenchimode apsangrik dake iani namgniko ra∙bana man∙gen ine uamang janapataha.
Gnigipao, ia donggimin policy-nigita a∙dokni manderangko on∙chepani aro apsangrike chamatanikoba indita bilsirangna nirokangna man∙baaha jekon dingtangatgenchimode bang∙a neng∙nikanirangko ra∙baani ong∙gen ine parakangaha.
Gittamgipao, a∙doko jatsa jatgipin baksa meli nangrime dongnagita ia policy-nigita da∙ona kingkingba namen dakchakaniko on∙aha aro apsan daken donangkuode mikkangchi so∙sojengjeng ong∙aniko champengna man∙gen ine uamang parakatjolaha.
Bon·kame, pilak nipiltaianiko dakna skangba a∙dokni manderang baksa agan golpogrike ja∙pang ja∙dilrangko name dake u∙ichengesa jinma apsan chanchie nanggipa ja∙kuko de∙china BJP ni dilgipa aganangaha.
