EGH Dobu PHC-ni ning·o kam ka·enggipa ASHA dolrang, District Medical and Health Officer (DMHO) ko gronge janapgimin PHC-o Medical Supervisor ong·enggipa Nanda Marak, uni ning·o kam ka·enggipa Nurse-rang aro ASHA-rangni kosako kragijagipa kattarangko aro namgijagipa bewalko jakkalrongenganina suk ong·jae chittiko on·angaha.
ASHA dolrangni chittio janapatanigitade, ia supervisor uamangni kosako kragijagipa kattarangchi mande jinmani mikkango agane saie kratchaataniko ra·baan baksana kam ka·anio namgija bewalko ra·baenga. Unbaksana, uamangni man·a nanggnini bidingo aganjanapanirangko jechake dongenga aro kamrangoniko watchina sinjetanirangko on·enga ineba janapataha.
Ia supervisor-ni indakgipa kamrangara ra·chakna man·gijani, kamnigita kragijani aro Indian Service Rule-ni human rights-ko pe·ani ong·a. Uni namgijagipa bewalrangko jakkalanichi kam ka·anio gisiknigita neng·nikani aro meligrikgijaniona ra·baaniba ong·enga. Iani bidingo supervisor-ni kosako sing·sandianirangko dake uamangni naljokanina aro kam ka·chakramo kragipa bewalko rakkina niamrango pangchake nanggipa ja·kurangko de·china didiangaha.
Una agreba Human Rights-o pangchake Dobu PHC-ni ASHA-rang aro Nurse-rangko naljoke rakkian baksana daito donggiparangna uni kragija kamrangni bidingo aganchakenba nanga ong·ode uko kamonikoba ra·galchina ASHA dolrang didiangaha.
