Ge·sa Dance Academy jeon Dudhnoi-ni adita chatro chatrirang July 22 tariko Guwahati-ni Jyoti Chitraban-o (film studio), chang 8 gipa International & 12 National (Art, Instrumental, Yoga, Music, Dance) Sanskriti Sangam competition/festival-o bakko ra·e chegipa ong·baaha.
Ia susaanio, sub- junior group aro solo dance category-o bakko ra·giparang, uamangni nambee chrokmesokanichi Best Award-ko man·baaha.
Indake uamang da·o Mumbai-o ong·nasienggipa Mumbai Carnival 2024-o dakmesokna cholko man·angskaaha. Ia susaanio, bi·sarangna chrokna skigipa Williamnagar songjinmaoni Aryaan K. Sangma, uni choreography-na International Nritya Siromani Sanman Award-ko man·angaha. Ia chu·sokaniko man·aniara sakanti uni chatro chatrirangna namgipa skaniko on·angaha aro Meghalaya a·dok gimikna rasongko ra·bana cholko man·anina katchaaniko Sangma koborna parakataha.
