Adita salrangna kajia golmalrang ong∙ani gisepo sak 151 manderang an∙tangtangni janggirangko gimaataona sokaha, iani gisepon Robibar July 21 tariko Bangladesh ni Supreme Court 1971 bilsio Bangladesh a·songko jakgitel ong·atna dakgrikgipa manderangni ma·drang maharirangna sorkarini kamrango 30% ko a·kange dongipako 5% ona ra∙onataha.
Supreme Court-ni ia raiko on∙anio sorkarini kamrangna rimnapanio 93% ko man∙a krabatgiparangna on∙angna tik ka∙angan baksana bangki 2% ko chonchongipa jatrangna aro be∙en nigita bilgrigiparangna chamatskagen ine u∙iatangaha.
Ia so∙sojengjeng ong∙anichi bang∙a manderang aro pulis dolrang saknaaniko man∙tokaha jeon sorkarinigita curfew rangko ra∙gate, internet jakkalaniko dontongate a∙songni university rangkoba chipna nangaona sokaha.
