A·dok sorkari sanna banani a·bao sak 164 General Nursing & Midwifery (GNM) aro sak 60 Auxiliary Nursing Midwifery (ANM)-rangko sanctioned post-o kamna rimnapna miksonganiko Health Minister Ampareen Lyngdoh koborna parakataha. Ia kamrangna re·baenggipa August ba September jao Advertisement-ko on·angnagitaba Lyngdoh u·iatangaha.
Ma·mong sorkarini sanction ka·gipa bang·a institute-rango tarienggipa operation theatre aro first referral unit-rangko ru·utgija somoirangni gisepon oprakaniko dakanggen jeon bang·en paramedic staff-rangko nanggen ine nike kamrangna rimnapnagita a·dok sorkari ra·chakangaha ine Lyngdoh aganagaha. Una agreba batanggimin salrango ma·mong sorkarini chu·gimik sanction ka·gipa post-rang dongjani a·selo nurse-rang aro paramedic staff-rangna advertisement-ko contractual basis-o on·agita nangaha ineba Lyngdoh agandapangaha.
