Garobadha Regional Unit-ni A·chik State Peoples Front (ASPF) dolrang Borkona-oni Chondon Nokat-ona re·gipa ramako namgija tarie on·anina songdongenggipa manderangni suk ong·gija agananirangko knae am·sandianiko dakna biapona re·ange niangaha.
Uamangni biapona re·ange nirokeaniko dakon ramako name tarie on·gijaniko nikna man·aha jeon tarigimin ramako jakchin nengrabee kikgale galnagita man·a ine u·ina man·angaha. Indake ramako tariani jakmingijanina jako ra·e kamko ka·enggipa company-ko name tarie on·taipilchina PWD-onaba sokatanggen ine u·iatangaha. Unbaksana ia ramako JS Company jako ra·e kam ka·enga ineba agandapangaha.
Una agreba Chondon Nokat songo Stadium rikgipako matchote rike on·gija galchipe donenggipakoba niangjole matchote rike on·china daito ong·gipa department-ni official-rangkoba gronanggen ineba ASPF dolrang aganangaha.
