Meghalaya Police department, Khasi Hills, Jaintia Hills aro Garo Hills-ni gimik a·jarangni SP-rang aro uni ka·mani gadangrango dangdike on·enggipa Police Officer-rangko dingtang dingtang biaprangona apjitataniko dakangaha.
SF 10-ni Assistant Commandant Victor N. Sangma-ko SGH Baghmara-ni Deputy SP ong·nagita apjitataha. Apsan daken Chokpot-ni Sub-Divisional Police Officer (SDPO) Anthony Ch. Momin-ko EGH-ni Deputy SP ong·na donatskaaha aro EGH-ni SDPO Krison Marak-ko Chokpot-ona watatskaaha.
Unbaksana Anti-Infiltration Directorate (AID)-ni Deputy SP Vincent N. Sangma-ko WGH-ni Deputy SP-ni biapko jako ra·na donataha jeon sakgipin AID ni Deputy SP dongsogipako Bidhan Bhattacharjee-ko CID-ni Deputy SP-ona donatskaaha.
Eastern West Khasi Hills-ni DSP Dathmuskhem Nongpluh-ko EGH Samanda 5th MLP Battalion-ni Assistant Commandant ong·na donataha aro Dathmuskhem-ni biapo EGH-ni Assistant Commandant Miustine R. Marak-ko Eastern Range-ni Deputy SP, CBPS gadangko jako ra·e dangdike on·angskagen.
