West Garo Hills, Rongram C&RD-ni ning·o ong·gipa Rongchigre songo Jal Jeval Mission (JJM)-ni kamko ka·ani bidingo talataniko on·china, A·chik State Peoples’ Front (ASPF) Rongram Regional Unit-ni President Prinstal Marak Public Information Office, PHE, Tura Divison ona re·ange Right To Information (RTI) Act, 2005-o pangchake RTI ka·angaha.
RTI-o janapanigitade, Rongchigre songo JJM-ni kamko matchotaha ine Village Committee-ni soi ka·aniko mesokchina, badita tangkarangko chamataha, contractor-ni ba company-ni bimung aro mai kamrangko jako ra·e ka·enggipa, project-ko kam ka·na dongimin somoi, badita nokdangrangna chamataha, badita nokrangna chi pipe sale on·manaha, iarangni bidingo sal 30-ni gisepo talataniko on·china ASPF dolrang didiangaha.
