A∙doko man·gipa biterangko nambata gadango bading chiwalna man∙agita da∙al salo Chief Minister Conrad Sangma ni dongpaanio Meghalaya State Agricultural Marketing Board aro Mother Dairy Fruit & Vegetable Pvt. Ltd MoU ko soi ka∙angaha. Ia bakrimanian mikkangchi a∙dokni biterangko aro matchu dut oniko tarigipa bosturangko baikamgipa bewalo aro nambata gadangrango palna simna re∙mikkangna dakchakanggen.
Ia MoU soi ka∙ani mongsonggipa miksonganiara a∙doko bite man∙giparang jekai Khasi mandarin, anaros, e·ching, Lakadong turmeric aro gipin biterango pangchake bading chiwalna re∙mikkangna chanchienga ine Chief Minister parakataha. Unbaksana Mother Dairy-ni dutoniko tarigipa bosturangko bariatna aro tarigimin bosturangko nambatatna kamrangko ka·angan baksana Meghalaya a∙dokni bite aro me∙su samjakrangko India a∙songosan ong∙aigija gipin a∙songrangni bajar-rangona sokatna kam ka∙aniba ong∙a ine parakataha.
