West Garo Hills, Okkapara Songgitcham-oni Saka Boldamgreona re·gipa PMGSY ramao donggipa culvert mikkarang jimbee waanichi a·arang rurongani a·sel adita nosto ong·anganiko nikna man·enga ine songdongenggipa manderang u·iatangaha.
Ia ong·enggipa obostarang maming guard wall ba retaining wall-rangko tarijani a·sel a·a be·wakarangko champengsona man·jaha ineba janapataha. Indake mikkangchi daito donggipa departmentrang seng·gnangkale nirok simsakaniko dakjagenchimode a·sel obostarang ong·aoniko champengsona neng·nikani ong·an baksana re·ruraenggipa manderangna bilongen kenbegnigipaba ong·enga ine songni manderang parakataha.
