Raksamgre Regional Unit aro Rongmil Regional Unit-ni A·chik Conscious Holistically Integrated Krima (ACHIK) dolrang ACHIK Krima Council-ni kosako chakate dilgiparangni tik ka·gimin kamrango bakrimjawa ine agangipa kattarang kakket ong·ja ine jegale talatangaha.
ACHIK Krima Council Unit-ni dilgiparangni tik ka·gimin kamrangko Raksamgre Regional Unit aro Rongmil Regional Unit-ni ACHIK dolrang ra·chakja ine matnange koborko parakattimgiparango gipatgipa kattarangara kakket ong·ja ine janapgimin unit ge·gnini President aro Secretary-rang jegalangaha. Unbaksana indakgipa koborrangni gimin maming u·iatanirangba dongja ine uamang agandapangaha.
Iani gisepon ACHIK Krima Council-ni tik ka·gimin kamrangni kosako maming je·chakani gri uamangni kamrango dakchakanggen ineba aganangaha. Una agreba Krima Council bilko on·genchimode, ia kakketgijagipa kattarangko ma·ming u·iata gri gipatgipa mandeni kosako F.I.R ko ka·anggen ineba aganangaha.
