A·chikrangoni jawilwat tariani a·bao mingsing minggamgipa Dominic Sangma-ni ‘Rapture’ ba ‘Rimdogittanga’ jawilwat a·gilsakni dingtang dingtang a·songrangni theatre-rango mesokna cholko man·angaha. Ia jawilwatko re∙baenggipa August 15 oni 25 tarikona District Auditorium, Tura-o Garo Hills-ni manderangna mesokanikanggen.
Jemangan ia jawilwatko nina sikenggiparang ticket-rangko Belinda House, SBI Aramile Branch, Sora Complex aro Black Orange, IM Sangma Complex-oniko knaloni brenagita man∙gen. Unbaksana ticket kingprakni damara gong 300 ong∙an baksana nambatgipa asongchakani biaprangko ba namnikatangko skang sokbagipa manderang basena man∙gen ineba u∙iatangaha.
