Da·al salo Inter-Mahari Football Tournament 2024-ni gnigipa salo dol 4 maharirang Chandmari kal·chakramo kal·angaha. Gnigipa salni kal·anio skanggipa kal∙susaanio Cheran mahari aro Bangbol maharini gisepo susagrikangaha.
Cheran maharirang skanggipa half-ni minute 9 ni somoio Masil John A. Sangma goalko chipe on∙angaha. Apsan daken gnigipa half-ni minute 38 somioio Tengkan Ch. Momin, minute 58-o Sengnang R. Marak aro minute 59-o Joshua R. Marak doltangna goalrangko chipe on∙angskaaha. Ia kal·anio Cheran maharirang bimchipe kal·anichi chegipa ong·aha jeon uamang 4-0 goal-chi Bangbol mahariko altubee amatna gita man·aha. Bangbol maharirang jotton ka·bee kal·genchimoba goal sakoba chipna gita man·rikjaha.
Gnigipa kal∙susaanio Dawa mahari aro Watre maharini gisepo kal·anio Dawa maharirang chegipa ong·aha jeon uamang 2-0 goal-chi Watre maharirangko amataha. Watre maharirang krengbee kal·genchimoba rasonggribee goal sakoba doltangna chipe on·a gita man·jaha. Dawa maharirang skanggipa half-ni minute 18 somoio Drimber R. Marak aro gnigipa half-ni minute 60 somoio Garchansing R. Marak doltangna goalrangko chipe on∙angaha.
