Bangladesh a·songo so·sojengjeng ong·engani gisepon Garo Hills-ni sima ari jolo name nirokaniko dakjagenchim ong·ode Meghalaya a·dokna namen kenchakani ong·enga ine NPP-ni ku·wattimgipa Himalayan M. Shangpliang koborna parakataha.
Indake Indo-Bangladesh sima arigita maming lekka pancha nangagri nengrabee re·grik do·grikna man·enganiko janape uamangni Meghalaya a·dokona napbana jotton ka·aniko champengsona sima ari jolo songdongenggipa manderangko sorkari aro sipairang baksa bakrime kam ka·china didian baksana mikrake dongchinagita Shangpliang u·iatangaha.
Una agreba pilak a·sel obostarangoni naljoknagita a·dok sorkarini sima ari jolo curfew-ko ra·gatanina chakpaaniko on·an baksa so·sojengjeng ong·anirang ru·utgija somoini gisepon tom·tompilna ka·dongsoaniko Shangpliang aganangaha.
