Da·al pringni bako Chief Minister-ni dongchakgipao Cabinet tom·anio mingbonga ka·na nanggipa kamrangni bidingo chanchirime ra·chakangaha ine Education Minister Rakkam Sangma parakangaha.
Ia mingbonga ka·na nanggipa kamrangko ra·chakangaoni mongsonggipa mingsara MBoSE Regulation for Secondary School Leaving Certificate Examination 2011-ko adita dingtangatangaha ine Sangma aganangaha. Ia dingtangataniara SSLC porikkako bilsio changgni dake sena cholko on·ani ong·a jeon skanggipa final porikkako chu·sokna man·gijagipa chatro chatrirang jagnini gisepo setainagita cholko man·anggen ine Sangma aganangaha.
Ian National Education Policy-ko ja·rike cholko on·ani ong·a jekon central board-rangba apsandaken jagnini gisepo setaina cholko on·enga ine Education Minister Rakkam Sangma agandapangaha.
