Meghalaya Police Service (MPS) na personal interview ong·atna man·chisogimin tarikko Meghalaya Public Service Commission (MPSC) da·al salo dontongatanga. Candidate-rang personal interview-ni gitalgipa tarikko man·agita MPSC-ni official website-oniko koborrangko nirikichina u·iatangaha. Battanggimin salrango seoka man·gimin candidate-rang chong·motan MPS preliminary 2019 porikkako chu·soke dongsogiparangna August 20 aro 21 tariko personal interview-ko ra·na tik ka·angaha.
Mijal salni bako Khasi Students’ Union (KSU) dolni dilgiparang baksa MPSC-ni Chairman Paul Reader Marwein golporimon uamangni dabienggipani bidingo ua commission-ni gipin member-rang baksa agangolpogrikna nangkugen ine aganangaha. KSU-rang Meghalaya Police Service-ni kamrangna personal interview-ko 2019 bilsio nakatgipa advertisement-nigita 1:2.5 ratio-kon ra·china aro gitalgipa office memorandum-ni ratio 1:1.5 ko dingtangatjachina sorkarini kosako dabianiko dakenga.
