Rongjeng Community Health Centre (CHC)-o sanna bannanio jakkalna nanggipa bosturang chu·ongagita dongjani a·selo aro sanna bannaniko dakenggipa doctor ba nurse-rang chu·ongagita dongjani gimin jolni NGO dolrang East Garo Hills Williamnagar-ni Civil Surgeon-na chitti see u·iatangaha.
NGO dolrangni janapanigitade, Rongjeng CHC-na sakbonga doctor-rangko chamgenchimoba sakgittam doctor-rangsan dongaiani a·sel aro sagiparangko nirokenggipa nurse-rang chu·ongagita dongjani a·selo sanna bannaniko dakenggiparang manderangna dangdike on·anio aro kam ka·giparangna namen neng·nikaniko on·enga ine janapangaha.
Apsandaken sagiparangko porikka ra·ani bosturang dongjani a·sel aro samrang chu·ongagita sokjani a·sel sagiparangna samrangko chu·ongagita on·a man·ja baksana sam on·timgipa pharmacist jasa ong·nasipile re·bajani a·selo namen neng·nikaniko man·enga ineba janapataha. Indake Rongjeng CHC-o maming neng·nikanigri chu·ongagita sanna bannaniko dakna man·agita ta·rake nirokatchigita NGO dolrang mol·molanga.
