Da·al salo West Garo Hills-ni 9th Mile anti bajaro One Day Legal Awareness programme-ko District Legal Services Authority Tura baksa Meghalaya State Legal Services Authority nangrime National Services Authority-ni dakchakanichi ong·atangaha.
Ia programme-o “Protection of Women from Domestic Violence Act 2005” aro “Sexual Harrasment of Women at Workplace (Prevention, Prohibition and Redressal) Act” ni bidingo Tura DLSA-ni Legal Aid Counsel Grangchira Ch Marak aganangaha.
Ia programme-o manderangna niamrangko ja·rike nangchongmotgipa kamrangni bidingo jekai me·chikrangko noktango doka satanirangko champengna aro saoba ia indakgipa obostarango ga·akgenchimode sepangbatgipa Protection officer ba police station-ona dos dakgipani kosako kra·a gita nangchongmotgipa bichal-ko on·china gita u·iataniko dakchinaba aganangaha. Unbaksana me·chikrangko kam ka·chakgipa biaprango kragija dake kal·akanirangko champengna man·a gitaba aganangaha.
Me·chikrangko kragijagipa kattarangko agananichi aro drae til·ekna amanirang bang·a kam ka·chakenggipa biap jekai sorkari, private aro sorkarini ning·o ong·gijagipa Organization ba dingtang dingtang institution rangoba ong·enga. Niamo seanigitade kam ka·chakram biaprango me·chikrangko a·sel ong·aoni naljoke dongna man·agita pilak kam ka·chakram biaprango sak 10 manderangko Internal Complaint Committee-o seoke kam ka·na nanganikoba janapangaha.
