Nongstoin-ni MLA Gabriel Wahlang aro Mawhati-ni MLA Charles Marngar ni NPP dol baksa bakrimna miksonganina Congress dolrang uamang sakgniko party-ni member ong∙aoniko bilsi 6 na kamoniko dondikatangaha.
Uamangni party-ni kosako kamrangko ka∙enga ine knaani ja∙mano Wahlang, Marngar aro Umsning ni MLA Celestine Lyngdoh ko Congress dolni dilgiparang okamate talatchina ge∙etangaha. Indake ong∙genchimoba Lyngdoh mangmangsan ia tom∙aniona sokbaaha jeon ua NPP baksa bakrimgenchimode una bang∙a schemerangko on∙a ku∙chakangaha ine parakataha.
Wahlang aro Marngar ni tom∙aniona sokbajani gimin uamangko Congress party baksa kam ka∙anirangko bilsi 6 na neng∙takatna MPCC ni President Vincent Pala raiko on∙angaha.
