Baghmara songjinmao chadamberangna kamrangko on·na miksonge rikgipa gital Experiential Learning Centre ba skie ra·chakram biapko mijal salni bako Education Minister Rakkam A. Sangma oprake on·angaha. Ia gitalgipa centre-ko jolo donggipa Society for Empowerment aro Development of Youth dol nirokaniko dakanggen jekon Baghmara-ni MLA Kartush R. Marak aro a·jani DC R Yanthan-ni dongpaanio a·bachengate on·angaha.
Ia centre-na ma·mongni Ministry of Information aro Broadcasting-nigita tangka paisarangko dakchakanichi aro SGH-ni gitcham DC S. Awasthi uni somoio gisiko nangbee kam ka·ani rika cho·anirangko a·bachengataha. Ia Centre-o ge gittam bakrang donga jekai Digital Lab, Computer Lab aro Gaming Zone ong·a, jeon chatro chatrirangna jaktangchi dake nie skie ra·nagita cholrangko on·e dakchakani ong·gen.
Una agreaba oprakani somoio ia centre-ni namgni aro gamchatanirangni bidingo Baghmara-ni MLA K R. Marak, a·jani DC R Yanthan aro ADC RP Marak-ba agan-talate ong·angaha.
