Mijal salni bako a·dokni Chief Minister Conrad K. Sangma rang·gitik be·ennigita an·senggijanirangko man·ani gimin sanna bannaniko daknagita Shillong Civil Hospital-o donenga. CM Sangma-ni sabisiko talnagita dingtang dingtang porikka ra·anirangko matchotgenchimoba, adita nina nanganirang dongkuenga ine Joint Director cum Surgeon Superintendent Dr. Lumglang Buhplang aganangaha.
CM Sangma adita fever aro be·enni sadikanirangko man·anigimin name sanna bannaniko daknagita Shillong Civil Hospital-ona re·baaha ine Dr. Buhplang-ni aganangaha. CM Sangma be·ennigita an·senggijaniko man·anichi mijal salni Autumn Session-o bakko ra·angnagita man·jaha ineba koborna parakataha. Iani gisepon CM Sangma Autumn Session-ko maming champenganigri ong·atna man·agita Deputy CM Prestone Tynsong-na bilko on·angskaaha ineba parakataha.
