Re·baenggipa 2025 bilsioni Meghalaya Board of School Education (MBOSE) Secondary School Leaving Certificate Examination (SSLC) porikkako changgni dake ra·na tik ka·aniko Education Minister Rakkam Sangma parakataha. Ia SSLC-ni skanggipa porikkako February bon·angachi ba March a·bachengani somoio ra·anio chu·sokna man·gijagipa chatro chatriranngna gnigipa porikkako May jao ra·na tik ka·angaha ine Sangma u·iatangaha.
Ia SSLC examination 2011-ko ia bilsini August a·bachengani somoio a·dokni Cabinet ra·chakangaha. Indake ia niamko ja·rikanichi MBOSE board porikkao chu·sokna man·gijagipa chatro chatringna gnigipa changna cholrangko on·ani ong·a aro iako National Education Policy (NEP)-ko ja·rike chatro chatrirangni porikkao chu·sokna man·jae somoirangko galaniko komiatna miksongani ong·a ine Sangma aganangaha.
Una agreba a·doko Optional paper ba best of five paper-ko 2026-2027 bilsirango ra·galna miksonganiko chong·motan janapgimin bilsirango chu·gimik subject ge·doko pass ka·nagita nangchongmotaniko Cabinet ra·chakangaha. Apsandaken Meghalaya Public School Service Rules, Meghalaya Subordinate Water Resources Engineering Service Rules aro Farmers Empowerment Commission (Amendment) Bill-rangko kam ka·anio niam retirangko jakkalnagitaba Cabinet ra·chakangaha.
