Voice of the People’s Party (VPP) dolrang da·alni assembly session-o agangolpogrikani somoio ong·kate kataniara dakmesokanisa ong·aia aro indakgipa bewalrang kragipa ong·chongmotja ine Deputy CM Prestone Tynsong kobor ra·timgiparangna uni namnikgijaniko parakangaha.
VPP dolni dilgipa Ardent Miller Basaiawmoit-ni agangipa kattarangara assembly-o ra·chakna man·gijagipa kattarang ong·a aro iako ra·galchina Deputy CM didiangaha. 1972 bilsionin assembly-o dongimin niamrangko ja·rikesa da·onaba kamrangko ka·enga aro iani gisepon Basaiawmoit-ni agananirangko Tynsong jechakangaha.
Ua an·tang saksa Minister (Home & Police)-ni incharge ong·genchimoba Education Minister Rakkam Sangma-ni kosako mokordoma ka·anio skatang kamrangko ka·na man·ja aro kakket sakkirang baksa court-ni rai on·kujana kingking member saksako jaksi ote agana man·ja ineba Deputy CM Prestone Tynsong agandapangaha.
