Tura Sangsanggre College of Community Science-o Handloom aro Bakery & Confectionary program-ko sal 15-na re·anggipa August 19 tarikoni ong·atanggipa name matchotangaha. Training-ni bon·kamgipa salo, Tura District Commerce & Industries Centre (DCIC)-ni General Manager Don Felicient R. Marak, Tura Community Science college-ni Dean Dr. Jyoti Vastrad, DCIC-ni skigiparang baksa officer-rang aro adita skie ra·giparang dongpae bako ra·angaha.
Ia training program-ko Commerce & Industries department, Raising & Accelerating MSME Performance (RAMP) scheme-ni ning·o ong·atangaha. College of Community Science, ia scheme-ko jako ra·gipa ong·e bang·a kamrangko manderangna nanggipa changa sapani aro u·ianiko pakwatanggen.
Ia program-o skie ra·giparang an·tangtangni jakchi kam ka·e u·i ma·sianiko aro changa sapani bidingo aganangan baksa uamangna skie on·gipa aro ia skie ra·ani program-ko ong·atna tangka paisachi dakchakgiparangko mittelpilangskaaha. Una agreba uamangni changa sapaniko skie man·aniara bosturangko tarianio nambatatna man·an baksana mikkangchi bading chiwalanio dal·rorona dakchakani ong·gen ineba janapangaha.
