A·dok sorkari batanggimin 2023 bilsini March jaona kingking ge 72 caserango gong Crore 1.14 tangka paisarangko jakkalsretaniko aro noksan ong·aniko parakataha. Comptroller and Auditor General of India (CAG) ni State Finances Audit Report-o janapatanigitade, Meghalaya Legislative Assembly-ni ge 2 case rango tangka paisa bang∙bate jakkalsretaniko nikna man∙aha jean tangka gong lakh 113.85 oniko tangka gong lakh 44.08 nigita jakkalsretaha ine parakataha.
Ia tangka paisarangko ong·gija dake jakkalsretanirangko Public Works, Horticulture, Community & Rural Development, Land Record and Survey, Mining & Geology, Finance aro Health departmentrango nikna man∙aha. Ia gimikoni Public Health Engineering department-o mangmangan ge 57 case rangko nikna man∙aha jean bang∙bate rim·a man·gipa department ong∙a ine u·iataha.
Meghalaya Legislative Assembly-ni Public Accounts Committee (PAC) batanggimin 1993 bilsini July jaon ia a·selrangni bidingo talatani lekkarangko on·china administrative department-rangko jasa-ni gisepon Audit Report-rangko State Legislature-na mesoke on·china ge·etaniko dakgenchimoba, Committee-rang ia report-rangni bidingo 2023 bilsini December jaona kingkingba maming chanchianiko ka∙angjaha ineba CAG u∙iatangaha.
