A·dokni BJP Vice-President Bernard Marak, re·baenggipa Gambegre by-election-na namen rakbee kamrangko ka·soenganiko nikna man·e chena ka∙dongsoenga ine a∙dokni BJP President Rikman Momin aganangaha. Bernard Marak-ko chena ka·dongsoaniara, ma·mong sorkarini chamatgipa scheme-rang jekai JJM aro PMGSY-ni kamrangko a·dok sorkarini name ka·e on·gijani bidingo manderangna agantalate on·an baksana iarangko sing·dona ba am·sandina bil gnanganiko u·iatna ku·rangko on·enga ine Momin janapangaha.
Ia by-election-o susanagita Marak gisiko nangbeaniko mesokgenchimoba party-nigita gipin gisiko nanggipa candidate-rangna dorgastorangko galna adita somoirangni ja·mano u·iatanggen ine a·dokni BJP President aganangaha. Unbaksana Gambegre constituency-ni ning·o ge 51 polling station-rang dongani gisepon, BJP dolnigita ge 48 booth level-rango kamrangko matchotmanaha ineba Momin aganangaha.
Una agreba ia chango a·dokni BJP sak lakh 2 member-rangko napatna miksongani gnang jeon batanggimin 2014 bilsio BJP-o sak 33,000 member-rangsan dongaoni 2019 bilsio sak 1.4 lakh-ona tang·doaha ine Momin agandapangaha.
