Garoland-na dabianiko A·chik a·song gimikna dingtangmancha jakgitelgipa A·chik a·song ong·atna miksonganiko done, re∙baenggipa September 20 tariko Baghmara kal∙chakram biapo pring 11 baji somoioni dal∙begipa tom∙bimonganiko ong∙atna Garoland State Movement Committee (GSMC) dolrang tik ka∙aniko parakataha. Ia dal·begipa tom·bimonganiona pilak A∙chik jatrangko bak ra∙pachina mol∙molatan baksana National Federation for New State (NFNS) dolni dilgiparang Garoland State-na chakpana re·baanikoba GSMC-ni Co-Chairman Luckystone R. Sangma janapataha.
Garoland-na dakdilanggipa Matgrikrangoni saksa dilgipa Sonaram R. Sangma, A·chikrangoni skanggipa Non-Violence ba dakgrik dinggrika gri A·chik a·songni jakgitelanina 1895 bilsion krengdilgipa ong·a. 1946 bilsio Matgrik Mody Koknal Marak, Matgrik Emonsing Manda Sangma A·chik a·songna krengdilangaha. Uamangni ja·mano dingtang dingtang gadango A·chikrangni jakgitelanina dakdilgiparangara Matgrik Clifford R. Marak, Matgrik Dilash M. Marak aro Matgrik Purno K. Sangma-ni chasongtango re·dilangskaaniko gisik ra∙a gnang janapangaha.
Indake ia tom·bimonganio Nokmarang aro dingtang dingtang gadango dilgiparang sakantikon bakrimaniko mesokna songdongenggipa pilak A∙chik manderangko re·bae bakko ra·echina GSMC-ni Co-Chairman mol·molan baksa u·iatangaha.
