Salantio nanggipa bosturangni damrang tang∙doani a·sel songdongenggipa manderangni neng·nikaniko man·enganina Voice of the People Party (VPP) dolrang sorkarni kosako jingjengataniko dakangna tik ka·angaha.
Ia jingjengataniko re·baenggipa September 13 tariko pring 10 bajioni attam 5 bajiona Shillong songjinmani Malki football kal∙chakram biapo dakanggen ine VPP-ni President Ardent Miller Basaiawmoit aganangaha. Ia jingjengatanio a·doko songdongenggipa sakantikon bakko ra·e jak on·pachina Ardent mol·molataha.
