A·dokni Deputy Chief Minister Prestone Tynsong-ko New Delhi songjinmani Apollo Hospital-o subdural haemorrhage (SDH) saaniko neurosurgical sanna bannaniko dakange, uni skoni bakko operate ka∙angaha ine Commissioner and Secretary (IPR) Vijay Mantri koborna parakataha.
Tynsong da∙o dipet miksele dongan baksana mangrake dongenga aro name dake porikka ra·ani ja∙mano uko ICU-oni ra·ongkatgen ineba Mantri u·iataha. Uko skanggipa September 9 tariko Nazareth Hospital-ni ICU-o done Department of Neurosurgery-ni ning∙o sanna bananiko dakangaha. Nambata sanna bannaniko dakangnagita uko September 11 tariko New Delhi-ni Apollo Hospital-ona rimangskaaha.
