Meghalaya Cricket Association (MCA), bilsi 19-ni ning·o ong·gipa me·asarangni dolna BCCI-ni dongimin niamo pangchake sak 15 kal·nagiparangko Junior Men Selection Committee (U-19) seokangaha.
Seoka man·giparang Apandanka R. Marak, Aashish Kumar Lohar, Angkit Tamang, Dipayan Nandi, Dipankar Baruah, Gaurav Jyoti Thakuria, Heiyomiki Ryngkhlem, Jarett M Wanniang, Kshitij Singhania, Manthan Dey, Pushkar Raj Singh, Rudra Singh Rathore, Subham Rasaily, Salchang Sangma aro Sevian Blah ong·a. Standby-o Grish Raj Ray, Chengsrang S. Marak, Manthan Gupta aro Gaurav Narleng, iamang sakbri seoka man·angaha.
Ia seoka man·giparang Odhisa a·doko re·baenggipa October 4-oni 12 tarikona ong·nasienggipa All India Under 19 Men Vinoo Mankad Trophy (ODI) o bakko ra·e kal·anggen. Uamang kal·na skang Assam a·dokni Jagiroad-o preparatory camp-o donge October 1 tariko tournament-o susana re·ongkatanggen.
