Meghalaya a·doko matchuko a·songni ma·gipa dake ra·na Shillong songjinmao re·jomna am·enggipani bidingo Health Minister Ampareen Lyngdoh saksa sakgipinni bebe ra·ani aro daka rika bewalrangko an·tangnigitaan mande ra·china sakantikon aganangaha.
Meghalaya, gipin a·dokrang baksa daka rikanio dingtanggrikanirang gnang jekon a·palchini re·bae dakdrabana nangja ine Lyngdoh parakangaha. Iarangko manigija dakdragenchimode a·dokni tom·tomaniko nisiatgipa ong·gen aro manigija jingjengataniko ra·bagiparangna niamrango pangchake ja·ku ga·na nanga ine ua mikrakaniko on·ataha.
October 2 tariko re·jomna miksonganiko champengsona Deputy Commissioner bil gnanggipa ong·a. Meghalaya ge·sa namen tom·tomgipa a·dok ong·a aro iako darangba nisiatna bil man·ja ine Lyngdoh aganangaha. Politics-nigita re·bae a·dokni tom·tomtomaniko nosto ka·na am·enggipako aro saksa sakgipinna gisik sagrikaniko ra·baenggipako champengsona nanga ine Lyngdoh agandapangaha.
