Shillong songjinmao Meghalaya Pradesh Congress Committee-ni tom·bimonganio AICC-ni Joint Secretary aro National Spokesperson Mathew Anthony dongpae Khasi Hills jolni BCC-rangni President aro Secretary-rang baksa nanggipa chanchirimanirangko dakangaha. Ia tom·bimonganiko uamang Congress dolo kam ka·giparangko ja·pangoni taripiltae re·baenggipa 2028 Assembly aro KHADC election-o bilake susana miksonganio ong·atangaha.
Unbaksana, uamang Congress doloni ru·utgija somoirangna skang ong·katgipa sakgittam MLA-rangni kosako High Court aro Supreme Court-ona ra·doangna maming ja·kurangko de·jaode party-ni chubatgipa gadangni dilgiparang aro Legal Expert-rangni ra·chakagita re·mikkangna tik ka·angaha. Iani bidingo batanggimin chango Congress dolrang Meghalaya-ni Assembly Speaker-naba janapate badi ka·aniko dakangaha.
Iasan ong·aigija, Congress dolni dal·batgipa dilgipa aro Leader of Opposition, Rahul Gandhi-ni kosako BJP-ni dilgipani kragija agangipa kattarangnaba raken jegalaniko mesokangaha.
