Mikkangchi a·jao fishing competition, fete, mela, fair aro festival rangko ong·atna miksonggiparang Taxation department-oniko No Objection Certificate-ko ra·gija maming dakeba ong·atna man·jawaha ine South West Garo Hills-ni Deputy Commissioner Hema Nayak ge·etaniko on·angaha.
Indakgipa tom·dakanirangko ong·ataniara GST-ni ning·o tax ba kajinarangko District Administration-niko hukum man·a skang gamna nangao ga·aka ine u·iatangaha. Ia tom·anirangko NOC ra·gija ong·atgenchimode niamni a·palo ong·draata ine chananggen aro Taxation department-oniko NOC ra·ja dipet maming dakeba indakgipa tom·anirangko ong·atna on·jawa ine u·iatangaha.
Unbaksana songdongenggipa manderangko naljoke dona nanganiko janapange, sorkarini kajina man·gniko mikkangchi gimaatjanagita ia raiko on·angaha ineba DC ganangaha.
