Mijal pring 4 bajimang somoio Tura Najing antidam ramasamo donenggipa bostu salgipa truck gari bolsako ma·sina man·gijagipa a·selo wa·al kamaha. Ia ong·a obostako a·damo donggipa manderang nike fire brigade-na bikan koborrangko on·ate, wa·alrangko chi sate kimitenba bon·e kamaoniko naljokataha.
Sing·sandianiko dakon sepang jolo donggipa manderangba iani bidingo tale agana man·jaha. Potchipe agananigitade, gari an·tangtang dingdoenba wa·al ong·kataha inesan agana man·aiaha. Indake ong·genchimoba, a·sel ong·ani gisepon wa·alrang agre chadukujani gimin gariko kamgopaoni fire brigade-ko sengnang aganate nisiani naljokna man·aha aro ia ong·a obostao darangba saknaa man·jaha.
