East Garo Hills, Health and Family Welfare Department, Animal Husbandry aro Veterinary Department-ni dakchakanichi September 28 tariko World Rabies Day, 2024-ko maniani bakgita September 23-oni 28 tarikona a·jani damgittam C&RD Block-rango aro district headquarter-o bang·a program-rangko ong·atna miksonganiko u·iataha.
District Medical and Health Officer (DM&HO)-ni u·iatanigitade, ia salrangni gisepo dingtang dingtang program-rang jekai mikrakatani, re·jomani, slogan seani aro biji suanirangko bang·a biaprango ong·atna parakataha.
Donsogimin biaprango ong·atna u·iatanigitade September 24 tariko Songsak Agitokgre Secondary School kal·chakaramo, RMSA skul, Rongjeng aro Chiading antidamo September 27 tariko aro 28 tariko Williamnagar DRDA Hall-I o achak menggo-rangko biji su·aniko dakangna tik ka·angenga.
