Education Minister, Rakkam Sangma, Captain Williamson Sangma State University-ni bidingo adita talatanirangko on·angaha. Chong·motan, University-o Vice Chancellor-ko bosaina Governor-ni ra·chakaniko sengenga ine Sangma aganangaha.
Unbaksana, UGC Act 1956, Section 2(f) ni ning·o University Grant Commission-ni ra·chakanikoba senge dongenganiko Sangma parakangaha. Ia kamrang somoi nanggiparang ong·a jekon a·dok sorkarinigita nanggipa lekka pancharangko niam retiko ja·rike on·manaha. Ia somoio minggni kamrang chong·motan Vice Chancellor-ko seoke kamo rakkina aro University-ko UGC-ni ra·chakaniko man·a a·dok sorkari re·mikkangaha ine Sangma aganangaha.
