Mijal sal September 27 tariko College of Community Science, Central Agricultural University (Imphal), Tura, World Tourism Day-ko maniangaha.
Maniani bako B.Sc Community Science aro Food Nutrition & Dietetics-ni chatro chatrirang ‘Agro Eco Tourism in NE India’ katta bichongko done bang·a cholrangko chanchirimnagita susaanikoba ong·atangaha. Indakgipa susaanirangchi chatro chatrirangko chanchina didianiko on·a, changa sapani aro u·ianichi challange bikotna jakkalna dakchakani ong·a.
Ia manianiona Greendale Homestay, Tura-ni nokgipa A B Sawkmie sokbaaha jeon ua chatro chatrirangna mikkangchi tourism-ni a·bao dakna man·gnirangni bidingo an·tangni u·ianiko adita aganangaha.
Susaanio bakko ra·giparangna nambatgiparangko seoke boksisrangko on·angaha. Ia program-ko Dr. A Jolly Devi, Assistant Professor, Family Resource Management Department ong·atangaha.
