South West Garo Hills a·jao Purakhasia ramagita Bangladesh-oni sak 10 manderangni auto gario re·baaniko BSF sipairangoni kakketgipa koborrangko man·soe Zikzak thanani pulis dolrang changsoenba rim·na man·aha.
Uamangni re·baaniko 50 Battalion BSF sipairangni kobor on·ata bakan 100 Bn BSF aro Purakhasia police outpost, mobile check post-ko bosaie SH-12, Dalu aro Ampati rama bijangchio nirikianiko daksoaha. Indake ong·genchimoba uamangni changsoenggipa biapko sak 10 Bangladesh-ni manderangni batang man·aniko kobor man·soani ja·mano Zikzak police-rangna rang·san u·iate rim·na man·skaaha. Rim·a man·gipa sak 10 manderangko court-ona rimangaha ine u·iataha.
