A·dok sorkari 16th Finance Commision-ni Meghalaya-ona re·bae tom·bimonganiko ong·atani bako gong 1,14,745 crore tangkarangko on·e dakchakchina uamango janapangaha. Chief Minister Conrad Sangma, Commission-ni Chairperson Dr. Arvind Panagariya-na a·dokni palo pilak nangenggiparangko kolgapatna memorandum-koba on·angaha. Unbaksana Meghalaya a·dokko namroro silroroate mikkangchi re·mikkangna miksongenggipa chanchie dongimin cholrangkoba parakangaha.
Meghalaya sorkari gong 43,251 crore tangkarangko nangchongmotenggipa bakrangna, gong 69,324-ko pre-devolution gap-na, gong 500 crore-ko state public sector enterprise-rangna aro gong 1,670 crore-ko songsalko chalaienggiparangna nanganiko bak dake u·iatangaha.
Critical sector ba nangchongmotenggipa a·barango chong·motan Agriculture-na gong 1,652 crore, Tourism-na 3,600 crore, rama jal·angna 14,750 crore, Power-na 6,207 crore, Urban Development-na 4,820 crore, water 4,122 cr, Forest & Environment-na 923 cr, Health & Nutrition 1,880 cr, Education-na 1,940, Private Sector Development-na gong 500 crore, chadamberangna cholko on·a 1,607 crore aro administration-rangko nirokaniko namdapatna gong 1,250 crore-ko bak dake u·iatangaha.
