A·chik Holistic Awakening Movement (AHAM) dolni tik ong·e kamko ka∙jaenganina aro bilrangko jakkalsrete kam ka·anichi AHAM Eastern Zone-ni dilgiparang an·tangtangni daito ra·gipa kamrangko jako ra·e ka·angkuna neng·nikaniko man∙angaha ine u∙iatangaha. Indake dilgiparangni kam ka∙aniko namnikjae EGH AHAM district Zonal, Unit aro Sub-Unit-ni President, Vice-President, General Secretary, Additional Secretary aro pilak Executive Member-rang an·tangtangni daito donggipa kam ka∙anirangoniko dontangatna tik ka∙angaha.
Uamangni janapatanigitade, EGH AHAM dolni neng·nikanirangko chugipa gadango ka∙enggipa dilgiparangna u·iatgenchimoba kamko namdapatna maming ja·ku de·anirangko dakjaha ine u∙iatangaha. Unbaksana bang∙a changon golpogrikanio ma∙sisretani, kam ka·anirango kakket ong·ja baksana Zonal, Unit aro Sub-Unit-o kam ka∙enggiparangko nirokjani a∙sel neng·nikaniko man·beaha ineba parakataha.
Ia obostarangko chugipa gadangni dilgiparangna ku·rang on·genchimoba maming ra·chakanirang dongjani gimin neng∙nikaniko man∙enggipa EGH AHAM dolni dilgiparang kamktangtangko jako ra∙e ka∙na sikgijaniko parakataha. Indake dilgipa jinmani AHAM dolko watanian mikkangchi doltangko nambate dilna kam ka∙china mikrakatani ong∙gen ine bon∙kame uamang aganangaha.
