A·dokni gegittam Autonomous District Council-rang bakrime gong 8877.51 crore tangkarangko on·e re·baenggipa bilsi 5-na dakchakchina 16th Finance Commission-oniko bi·angaha. KHADC, JHADC aro GHADC, Commission-ni Chairman, Arvind Panagariya-na iani bidingo memorandum-koba on·angaha.
Uamangni memorandum-o janapgimingita GHADC-na gong 5042.30 crore, KHADC-na gong 2,641.54 crore aro JHADC-na gong 1,019.60 crore tangkarangko on·china 16th Finance Commission-ko mol·molangaha. Unbaksana, mikkangchi ong·gnigiparangna chong·motan gong 174.07 tangkarangko 2 per cent contingency charges-na on·china Commission-o janapangaha. Autonomous District Council-rangna Ministry of Panchayat Raj-nigita tangka paisarangko chamatanikoba bon·atchina uamang didiangjolaha.
Iasan ong·aigija, ADC-rangko baikame, neng·nikanirangko warachake aro namgipa bewalo chalaina man·agita bilsi gimiko on·a nanggniko pakwatchina ba one-time grant-in-aid revenue-ko on·china uamang 16th Finance Commission-o mol·molangaha.
