Batanggimin chango chi tarakgipako gario batsotna jotton ka·e sianggipa paningsana ex-gratia gong lakh 8-ko dongrikenggipa jikgipana uamangni nok Tura Rongkon Songgital-ono re·ange Chief Minister Conrad Sangma on·eaha.
Ia a·sel Dimapara songo ong·aha jeon school skigipa Bijoy S. Marak aro uni depante Wian Chigado R. Marak-ko ta·rakbegipa chi man·pakangaha. Uamangni manggisiko Dimapara-ni Sonagre songoniko Robibar salo man·pilaha.
Sianggipa pagipa SGH, Seempara U.P SSA school-ni skigipa ong·a aro uni depanteba ua apsan school-on class 4-o poraiengachim.Chief Minister Conrad Sangma, da·al salo West aro South Garo Hills a·jarangona re·ange a·selo ga·akgipa nokdangrang aro district administration-rang baksaba gronganggen.
