North Garo Hills, Adokgre kal·chakramo robol ka·lako nina re·bagipa manderang sak 80 mangnigita dingtang dingtang cha·anirangko brine tarigipa chanako cha·e food poison ba nosto ong·gimin bostuko cha·mane saa naptokaha. Ia cha·aniko cha·mangiparang apsan salo mamingba ong·gija salgipinosa sana a·bachengaha.
Saa napgipa ma·aparang, bi·sa desa aro chadamberangko Adokgre PHC-o rimange sanna bannaniko dakangaha. Manderang bang·dugae PHC-o sanna chu·ongmanjani a·selo mitam sagiparangko Goalpara aro Guwahati-ona ra·angna nangaha.
Ua salo Doctor saksasan hospital-o dongani gimin aro sanchakani bosturang komibeani a·seloba sak 80 manderangko chang·sano sanna neng·nikaniko chagrongaha. Iasan ong·aigija, PHC-o bang·a chu·onggijanirangko nike gadangsa kosako rikdapgipakoba name rikjani a·selo wachi karirango mikka chi sele sagiparangna aro nurse-rangna neng·nikaniko ra·baanikoba songni manderang u·iatjolaha.
