A·songni Vice President Jagdeep Dhankhar, Meghalaya Hub & Innovation Hub-na pangchakani ro·ongko songe, CM Business Catalyst: Student B-Plan Challenge-ko IIM Shillong baksa bakrime ka·na skotong songjinmao oprake on·angaha. Unbaksana, UNDF aro a·dok sorkari baksa entrepreneur-rangko ra·dona MoU-ko soi ka·grikangaha.
Tom·ani bako ia kamni gamchatani bidingo Chief Secretary DP Wahlang aro Agriculture Minister Ampareen Lyngdoh talate on·angaha.
Bilsianti sak hajal 80 mangnigita chadamberangna kam nakataniko Chief Minister Conrad Sangma aganange, iani a·bao uamangko tang·dodapatna nanganiko parakangaha. A·doko kajina man·aniko baridapatna sorkarini bang·a ja·ku de·anirangkoba Sangma ia somoio janapangjolaha.
