South Garo Hills, Nongalbibra-ni jadi antidam jolo donggipa biaprango jasa batpilonaba bijoliko sokatkujaenganina A·chik Youth Welfare Organization (AYWO)-ni General Secretary Sonji M. Sangma SGH-ni Deputy Commissioner-na chittiko sedoataha.
Jadi antidam jolo donggipa biaprango bijoli donggija jasa batpilani a·selo poraienggipa chatro chatrirang uamangni final porikkarangna tarisamsoaniko dakanio bang·a neng·nikanirangko man·enga ine AYWO dol parakataha. Iasan ong·aigija nokantio dingtang dingtang kamrangna bijoliko jakkalgiparangba kamtangko chu·soke ka·na man·gija dongenga ine janapangaha.
Uni gimin chatro chatrirangni aro songdongenggipa manderangni neng·nikanirangko nirokate ta·rake bijoliko sokate on·china AYWO-ni General Secretary, Deputy Commissioner-o mol·molangaha.
