NEHU o ong∙enggipa obostarangni bidingo Northeast a∙jani MP rang, Union Ministerrang aro Governor baksa golpogrikani ja∙mano a∙songni President baksaba agangolpogrikaniko dakanggen ine Tura-ni MP Saleng Sangma kobor ra∙timgiparangna parakangaha. Ia so∙sojengjeng ong∙ani a∙sel NEHU-o poraienggipa chatro chatrirang bang∙a neng∙nikanirangko man∙tokengani gimin iako nirokatna jako ra∙e kam ka∙gipa dongna nangchongmotanikoba Saleng Sangma aganangaha.
Knal salni gisepon ia obostani bidingo ua Union Minister aro Governor baksa golpogrikaniko dakangna miksonganiko Sangma parakangaha.
