Chennai songjinmao jadokni training program-ko donge matchotgimin gittamgipa batch-ni doctor-rang da·al salo Tamil Nadu-ni Secretariat-o ong·atanggipa felicitation ceremony-o mande ra·aniko man·angaha. Ia training program-o Meghalaya a·dokni chu·gimik sak 88 doctor-rang bakko ra·e matchotangaha.
Tamil Nadu, Health and Family Welfare Department-ni dakchakaniko man·e ong·atgipa ia program a·dok ge·sa aro ge·gipin baksa bakrime Meghalaya a·doko sanna bannaniko namdapatna miksonge re·mikkanggipani bak ong·a. Ia training dingtang mancha Obstetric Care (Ma·ani an·o, an·paka aro gipin be·enni sa·ani), Life-Saving Anesthetic Skills (rang·gittik Obstetric Care-ko nangan somoio jakkalna changa sapani) aro Ultrasonography-ni a·bako mongsongbate ra·e Doctor-rangna skie on·aha.
Saksa Senior Health Officer-ni agananigita ian sorkaritangko chalaigiparangni bakrime atchidaldal aro an·o donggipa ma·giparangni sianiko a·song gimik-o komiatna jotton ka·enggipa ong·a. Meghalaya a·dok aro Tamil Nadu sorkari 2022 bilsio MoU-ko soi ka·aha. Ia MoU-o pangchake Meghalaya a·doko sapgipa Doctor-rangni komianiko kolgapatna aro Community Health Centres (CHC) rangko First Referral Unit (FRU) ba nangchongmotgipa somoio sanna bannaniko ra·chengna man·gipa sanchakram a·damni gadangona ra·dona Tamil Nadu sorkari ia songgigrikani ja·mano jako ra·e program-ko ong·ataha.
