SSA skigiparangni kamrangko regularize ka·na dabienggipani bidingo sorkari chanchie kamrangko ka·angenga ine Education Minister Rakkam Sangma aganangaha. Pilak ja·kurangko ga·na aro dakna nanggnirangko re·mikkangna skangba name chanchichenge niamrangko jarikesa kamrangko ka·na nanganiko Sangma kobor ra·timgiparangna parakangaha.
Ia dabianiko chu·sokatna, mikkangchi dakgualarangoni naljokna man·agita sorkari simsake kam ka·enga. Name dake nichenggija indakgipa kamrangna rang·gittik ja·ku ga·na man·ja ine Sangma aganangkuaha.
SSA skigiparangni government school-rango kamrangna 70% mangnigita dabianggipana man·a kragipao pangchakesa rimnapgen. Skigiparangko kamo rimnapaniko bilsi 40-ona ra∙doatahani gimin uamangko seokengon sapgipa aro poraia dongani kri rimnapaniko dakanggen ine Sangma u∙iatangaha.
