Meghalaya Public Service Commission (MPSC) ko chalaianio dingtangataniko ra·bana a·dok sorkari committee-ko songna tik ka·angaha. Ia committee-ko MPSC-ni kam ka·anirango chu·ongjaengni gimin songaha jeon uamang name dake obostarangko poraienba ku·pattianirang baksa MPSC-o adita dingtanganiko ra·bana kam ka·anggen.
Senior government official, FR Kharkongor ia committee-ni Chairman ong·gen, Member Secretary Ambrose Marak aro Cyril Diengdoh member ong·e kamko jako ra·anggen. Re·baengipa 2025 bilsini January 31 tariko sorkarina uamang report-ko on·a tik ka·angaha.
