Meghalaya a·dokni chatro chatrirangna 2023-24 bilsini Post-Matric Scholarship, Umbrella Scheme-ni ning·o gong 108.83 crore tangkarangko watataniko Directorate of Higher & Technical Education (DHTE) mijal salo parakataha. Gong 108.83 crore tangkarangoni Ministry of Tribal Affairs ma·mongoni gong 98.08 crore aro a·dok sorkarioni 10% chong·motan gong 10.89 crore ong·a.
Scholarship-rangko man·a nangkuenggipa hajal 27,127 chatro chatrirang dongkuenga jekon Ministry of Tribal Affairs-oni gittamgipa installment-na tangkarangko watata matchotmanao man·sotokgen. Uamangona somoigita tangkarangko watatna man·agita ma·mong baksa department agangolpogrike kam ka·enga ine u·iatangaha.
Batanggimin chango matchotgimin skanggipa installment-o gong 42.32 crore-ko on·angaha jekon chu·gimik hajal 17,364 chatro chatrirangna tikataha. Ianoni gong 38.08 crore-ko ma·mongoni aro 4.23 crore-ko a·dok sorkarioni chamataha. Gnigipa installment-o gong 66.66 crore-ko chamataha jean ma·mongoni gong 60 crore aro 6.6 crore-ko a·dokoni on·aha. Ia chango, hajal 32,064 chatro chatrirangna scholarship-ko sualna man·aha. Skanggipa aro gnigipa installment-ko channe chu·gimik hajal 49,628 chatro chatrirang scholarship-ko da·o dipet man·sotokaha ine DHTE u·iataha.
